فوائد كتابة يومياتك | ليه تكتب يومياتك؟

فوائد كتابة اليوميات: ممكن تغير حياتك!

تعرف أن أغلب الناس بتشوف أن كتابة اليوميات ده شيء غير مهم، أو أنه تضييع الوقت، لكن الحقيقة أن كتابة اليوميات شيء له تأثير قوي في حياتك الشخصية والعملية، فكرة كتابة اليوميات فكرة بسيطة مش بتاخد وقت، أغلبيتنا بيحس أن يومهم في أحداث كتير، وبيحبوا تديون تفاصيل يومهم، وده بيكون ليه دور كبير في تغير حياتك.

ازاي تبدأ؟

لازم تكون فاهم أن كتابة اليوميات مش مجرد ورق وقلم هتكتب عليها كلام، لا دي أداة هتساعدك انك ترتب حياتك وتفهم نفسك، وكمان تقدر تحافظ بيها على ذكرياتك.

• ·اكتب في أي وقت، مش بالضرورة تكتب كل يوم، المهم انك تبدأ كتابة.
• ·استخدم نوت بوك مميز يخليك متحمس انك تبدأ كتابة.
• ·ديما خلي كتباتك بسيطة، اكتب كل اللي في خاطرك.

فوائد كتابة يومياتك

1. أتعرف على شخصيتك اكتر

كل واحد فينا عنده حاجات كتيره في شخصيته محتاج أنه يتعرف عليها ويكتشفها، كتابة يومياتك هي الشيء الوحيد اللي هيخليك تكتشف نفسك وتفهمها اكتر، لأنها أفكار بتضيع مننا في زحمة الحياة والروتين اليومي.

2.ذكرياتك مش هتضيع

حياتنا فيها تفاصيل كتيره، في منها الحلو ومنها اللي كان صعب، كتابة يومياتك هتساعدك انك تحافظ على ذكرياتك بكل تفاصيلها.

3.قلل من قلقك وتوترك

كل لما تكون قلقان ومتوتر, دون كل اللي مسببلك في توتر وقلق، مجرد أنك تكتب هتحس أنك بدأت تهدا، الورق بيسمعك، أكتب كل حاجة حسيت بيها، وايه اللي كنت محتاجه خلال الوقت ده.

4.نظم حياتك وأفكارك

لو دائماً بتحس إنك متلغبط، ومش عارف أنت عايز ايه؟ لو جواك مشاعر مختلطة.

كتابة يومياتك هي الحل، تقدر من خلالها تنظم أفكارك وأهدافك، وتقدر كمان تحط خطة لتطوير نفسك، ويكون عندك سيطرة أكثر على تفكيرك وحياتك.

5. أتكتشف احلامك

في منتصف المسؤوليات والروتين، كثير من أحلامنا بتضيع، بس لما تدون أحلامك وأهدافك، هتفكر نفسك بيها، وكمان هتقدر تحققها.

جرب تنفذ الفكرة دي

كل يوم قبل ما تنام جاوب على الثلاث اسئلة وحلل يومك:

1. ايه أكثر شئ فرحك اليوم؟
2. . ايه أكثر شئ ضايقك؟
3. . ايه اللي عايز تغيره في نفسك؟

6. مساحة من الأمان لنفسك

أوقات كتير بنكون محتاجين أننا نوصف مشاعرنا لشخص، بس الخوف من إنك متقدرش تلاقي حد يفهمك أو مفيش حد تقدر تشارك معاه مشاعرك، في الوقت دا بيجي دور الكتابة لأن نوتك الخاصة بيك هتكون خير صديق، تقدر خلالها تاخد مساحتك وتحكي من غير خوف أو قلق.

7. إجابات لأسئلة موجودة جواك

لازم تعرف إنك لما بتكتب, هتكتشف إجابات لاسئلة بتدور جواك، بس محتاج أنك تكتشفها وتجاوب عليها.

خليك صادق في كتاباتك لان دي روايتك أنت، مشاعرك، أحلامك، خططك واهدافك.

في النهاية خليك دائماً ممتن لنفسك إنك بتقدم لها شيء مهم، هتلاقي أن روايتك مش بتخلص بالعكس أنت كل يوم بتقدم لها فصل جديد ممتلئ بالمواقف والأحداث، كمان هتقدر تساعد نفسك وتطورها وتنضج وتكون أصدق.

خذ أول خطوة، وابدأ بكتابة يومياتك.