التخطيط الفعال لشهر رمضان

ازاي تستفيد من تخطيطك لشهر رمضان لأقصي درجة؟

زي ما كلنا عارفين أن شهر رمضان فرصة عظيمة للتقرب الي الله، وإنك تحاول تنظم وقتك دا شيء بيحسسك ببركة اليوم، كمان عشان تقدر تستفيد من الشهر لأقصي درجة، عشان كده محتاج انك تبدأ تخطط صح وتجهز له من بدايته، وفي المقال ده هنحاول نستعرض معكم بعض الأفكار اللي ممكن من خلالها تقدروا تستعدوا لشهر رمضان.

1- تحديد أولوياتك من البداية.

لازم تبدأ من دلوقتي في تحديد اولولياتك، وتسأل نفسك سؤال مهم، ايه هي المهام اللي محتاج إنك تركز عليها في شهر رمضان؟ هل إنك تركز أكثر في عبادتك، تحاول تقلل من تصفح السوشيال ميديا، تحسين علاقتك الأسرية، ولا إنجاز بعض المهام المؤجلة.

2- وضع جدول يومي مبسط

مهم أن يكون عندك جدول يومي مرن، ويكون تقسيمه واضح للمهام اليومية:

1. تحديد وقت للعمل أو الدراسة، ويفضل يكون خلال الوقت اللي بتكون طاقتك فيه عالية ,مثلاً قبل صلاة الظهر.
2. قضاء وقت مع العائلة، شهر رمضان فرصة ممتازة للتجمعات العائلية، وإستغلال الوقت مع الأهل والأصدقاء.
3. لازم تأخذ قسطك من الراحة والنوم، لأن ده بيساعدك إنك تكمل يومك بكل نشاط وتنجز مهامك.

3- تجهيز اساسياتك قبل رمضان.

حاول إنك تنجر بعض المهام قبل رمضان، عشان توفر الوقت وتستغله في مهام تانية، مثلاً إنك تشتري مستلزمات البيت.

4- إستغل وقت فراغك بكل ذكاء.

خلال الأوقات الضائعة.. مثلاً خلال المواصلات أو المهام المنزلية, حاول تسمع قرآن أو دروس دينية, بودكاست من اهتماماتك, أو تقرأ وردك اليومي من القرآن.

5- إتحكم في عاداتك المشتتة.

- لو إنك لو بتقضي وقت طويل في أستخدام الموبايل حاول إنك تقلل من استخدامه.

- قلل من مشاهدة التليفزيون وأستغل الوقت في العبادات.

6- خليك مرن من غير تعقيد.

التخطيط شيء مهم جداً، بس كمان المرونة وعدم التعقيد شيء مطلوب، لأن في بعض الأحيان مش كل الخطط هتتنفذ، فلازم تكون مرن ومستقبل لذلك، المهم إنك تحاول تستغل الشهر الفضيل أفضل إستغلال.

رمضان كريم وتقبل الله طاعتكم.